![](https://bicharmanch.com/wp-content/uploads/2021/06/38803700-27-1024x133.gif)
झापा, २९ जेष्ठ ।।बिस।। इटालीले युरो २०२० मा शुक्रबार घरेलु मैदानमा टर्कीलाई हराएर उत्कृष्ट विजयी सुरुवात गरेको छ । समूह ए को एकपक्षीय सावित खेलमा इटालीले मेरिह डेमिरलको आत्मघाती गोलले अग्रता लिएको थियो ।
![](https://assets-cdn-api.kantipurdaily.com/thumb.php?src=https://assets-cdn-np.kantipurdaily.com/uploads/source/news/kantipur/2021/third-party/italy-vs-turkey-2-1262021030248-1000x0.jpg&w=1000&h=0)
तस्बिर : रोयटर्स
त्यसपछि इटालीका लागि चिरो इमोबाइल र लोरेन्जो इन्सिग्नेले गोल गरे । यस खेलसँगै विश्व फुटबलको दोस्रो ठूलो प्रतियोगिता युरोका ११ सहरमा सुरु भएको छ र एक महिनासम्म चल्नेछ ।
युरोको इतिहासमा इटालीले एकै खेलमा तीन गोल गरेको यो पहिलो पल्ट हो । रोबर्टो मानचिनीको इटालीले यस जितपछि आफ्नो अपराजित यात्रालाई २८ खेल पुर्याएको छ । सन् २०१८ को सेप्टेम्बरयता इटाली अपराजित रहेको छ ।
![](https://bicharmanch.com/wp-content/uploads/2021/06/suchana-pcr-12.jpg)