साउन १८, एजेन्सी ।।
गाजामा युद्धविराम गर्न इजरेलले राखेको एउटा मुख्य माग अस्वीकार गर्दै हमासले सार्वभौम प्यालेस्टीनी राज्य स्थापना नभएसम्म आफू निशस्त्र नहुने बताएको छ।
उक्त सशस्त्र प्यालेस्टीनी समूहले अमेरिकी राष्ट्रपति डोनल्ड ट्रम्पका मध्येपूर्व दूत स्टिभ विटकफले हालै हमासले हतियार बिसाउन ‘इच्छा देखाएको’ भनेर गरेको टिप्पणीको प्रतिक्रिया दिएको हो।
सो क्षेत्रमा द्वन्द्व रोक्ने कुनै पनि सम्झौताका निम्ति हमासको निशस्त्रीकरणलाई इजरेलले एक प्रमुख शर्त मानेको छ।
